Sharon wala makaila ni Kim Chiu?
Misugot si Sharon Cuneta nga mahimong guest sa pelikula nila ni Ogie Alcasid ug Judy Ann Santos nga OMG (Oh, My Girl) under Regal Films ug ubos sa direksiyon ni Dante Nico Garcia. Nagsugod na si Sharon sa shooting niini niadtong Miyerkules, July 1. Usa ka fake nga mananag-an nga nakabase sa St. Martin de Tours Basilica ang papel ni Sharon sa maong pelikula. Pero sinugdanan lamang kini sa hingpit na nga pagkahimo ni Sharon nga “Regal Baby.” Kini tungod kay siya maoy bida sa Mano Po 6 alang sa 2009 Metro Manila Film Festival. Sa nabalita na sa Banat Hugyaw pipila ka adlaw ang milabay, ang latest version sa Mano Po, magsentro ang estorya sa inahan ug anak niini nga babaye. Dinhi gipadayag ni Sharon nga si Angel Locsin maoy iyang gusto nga modala sa papel sa iyang anak sa maong pelikula. Human niini, nagpusot-pusot na ang pagsaway nga nadawat ni Sharon gikan sa mga fans ni Kim Chiu, kay sa ilang pagsabot gibalibaran sa megastar ang ilang idolo tungod kay mas feel niini si Angel. Pwes, dinhi mihatag og katin-awan si Sharon kalabot sa naumol na hinuon nga isyu wala pa gani masugdi ang Mano Po 6.
“Nabanggit ko lamang naman kay Mother Lily na gusto kong makatrabaho si Angel, dahil ang gusto kong kasama iyong mga kilala ko na. Hindi ko pa kasi kilala personally si Kim at siyempre, si Mother Lily pa rin ang masusunod kung sino ang kukunin nila to play the role ng anak ko sa movie. Sana wala nang ganyan, magmahalan na lamang tayong lahat,” nagkanayon ang aktres ngadto sa PangMasa.Samtang si Angel sa iyang bahin, interesado kaayo nga makauban si Sharon, apan ang nakaparat lang kay exclusive contract star siya sa Star Cinema, busa wala siya’y mahimo kung dili siya tugtan sa nahisgutan movie outfit. Gawas pa duna pay hilotonon nga isyu ang kampo ni Angel sa Regal Films tungod kay nanluod kaniadto si Mother Lily sa manager sa aktres human sila nangusog nga napupos na ang kontrata sa nahisgutan sa maong movie outfit.
source
Related posts: